حسام حبيب – هو حبيبي من ألبوم “فرَق كتير”
- كلمات/ محمد سرحان
- ألحان/ إيهاب عبد الواحد
- توزيع وميكساج/ Tooma
- جيتار/ مصطفى أصلان
- أكورديون/ فاروق محمد حسن
- طبلة/ أحمد العايدي
- الفواصل الموسيقية تأليف/ Tooma
- إنتاج Nogoum Records
كلمات الأغنية
هو حبيبي، ليه كلامي بيعانده؟
والحتة دي عنده في طبعه بس هعمل ايه؟
طيب حبيبي، مانا قولت ميت مرّه
هيجيبه من برّه؟ ده طبعه، حاجة مش بايديه!
لاموا عليه عيون الدنيا دي بحالها
يحسبها يعقلها، وبرضو هونت عليه
لولا انه قلبي انا كنت سبته يروح
ومكانش روح الروح وصّلني للي انا فيه
وهو حبيبي، ليه كلامي بيعانده؟
والحتة دي عنده في طبعه بس هعمل ايه؟
هو حبيبي، وانا ليّا مين بعده؟
تاعبني ليه في بعده؟ ليالي قلبي مستنيه
طب هو مين يستحمل زيي انا ويقدر
سهران وبيفكر وهو ناموا بدري عينيه
لاموا عليه عيون الدنيا دي بحالها
يحسبها يعقلها، وبرضو هونت عليه
لولا انه قلبي انا كنت سبته يروح
ومكانش روح الروح وصّلني للي انا فيه
وهو حبيبي، ليه كلامي بيعانده؟
والحتة دي عنده في طبعه بس هعمل ايه؟
