اسمى & بتحلوى محمد ابراهيم وأدهم سليمان

اسمى & بتحلوى محمد ابراهيم وأدهم سليمان

اسمى & بتحلوى محمد ابراهيم وأدهم سليمان

كلمات قصيدة بتحلوي

تحلوّى ..
وطول الوقت بتزيدى
جمال و هدوء ..
كإنك شئ نزل من فوق !
كإنك جايه مـ الجنه ..
يا إما الجنه هى انتى !
فـ حضنك ببقى انا إبنك
فـ حضنى بتقلبى بنتى !
كإنك بيت ..
كإنك حته من سُكر
ودابت فيا فـ إحلويت !
فـ عز الضيقه بتساعى
فـ عز الضعف بتقوّى
بدون أسباب ..
بدون أسباب بتحلوّى !
وطول الوقت تتشاقى
بكل براءة الأطفال
وكل بساطة الفساتين ‏
يا أول طفله فـ الدنيا
بتكسر حاجز العشرين
وتفضل ورده طول الوقت
لا بتدبل ولا بتصفر ..
هتتغرى .. و ايه يعنى ؟!
ما من حق الجميل يتغر ‏!
يا اول بنت فـ الدُنيا
توصل مركبى للبر
وتاخد ايدى ونعدى
يا اول حضن فـ الدنيا
أحس بإنه على قدى
و متفصلّى بالمللّى
غريب حبك غريبه انتى
بتحلوّى و بتحلّى !

كلمات اسمي ( انا عندي لعينكي كلام )

اسمي يفرق في ايه وياكي؟
انا حد عاشق ولقاكي، انا انسان
عمري لو ألف عام في عنيكي
بلاقيني طفل وبلاقيكي دفا وأمان

أنا عندي لعنيكي كلام، محدش غيري في الدنيا
يقوله ف يوم من الأيام ليكي أو لناس تانية
ولو كل الكلام اتقال، عينيكي في غربتي موال
هخلق منه معنى جديد، معنى فاق كل الخيال

انا زادي في هواكي الشوق وزوّادي و انا المعشوق
و انتي الشمس مهما تغيب تاني تنوري الدنيا
وهمشيلك بلاد الله وهحكي لكل خلق الله
عن سيرة هوى عاشق، عن تايب الى مولاه

انتي، انتي موجة عالية جداً
وبرغم اني في السباحة مش غشيم
بس بإرادتي غرقت فيها
انتي، انتي زي الأرض تمام وانا منك
شايلاني وانا عايش، حضناني لما بموت
منك وليكي بعود

Add your comment

Your email address will not be published.