هل يوجد رجل يوافق بالارتباط بفتاة غلطت مع واحد كانت بتحبه ََحصل بينهم علاقه – افتح قلبك
مشاكل اجتماعية مشاكل الشباب

هل يوجد رجل يوافق بالارتباط بفتاة غلطت مع واحد كانت بتحبه ََحصل بينهم علاقه

انا اسفه اني هقول كده
بس ياريت ما حدش يغلط فيا والله العظيم ربنا يعلم العذاب اللي عايشاه ياريت تدعولي
هبدا كلامي اني هسال سؤال؟
فين الراجل اللي يوافق ياخد واحده غلطت مع واحد كانت بتحبه ََحصل بينهم علاقه وانها مش بنت
من غير ما تعمل عمليه وتضحك عليه
مين هيقبل؟؟؟
انا كنت بحب واحد جدا فضلت معاه سنين كتير اكتر من ٦ سنين
كان بيحصل بينا خلافات بس كنا بنرجع تاني
المهم يعني حصل موقف وبعدنا عن بعض بس
راح خطب وسافر 😔
ايوه حبيبي اللي عملت كل حاحه علشانه راح خطب وسافر وسابني لوحدي دلوقتي من غير ما يفكر في مصيري
انا عارفه انه مفكر ان الموضوع سهل وهعمل عمليه وهرجع بنت من تاني
بس انا والله العظيم تعبانه قوي
مدايقه بتمنى الموت علشان بس ما اتجوزتش
بقول لربنا خودني كده بدل ما اضطر اعمل عمليه واضحك علي واحد مالوش ذمب في حاجه
انا مش عارفه اعمل اي
والشخص اللي كنت بحبه سابني ومشي
واستحاله اكلمه علشان باعني
وما فكرش فيا
كفايه تقليل في كرامتي لعند كده
انا قللت من نفسي معاه قوي
وفي الاخر سابني
حاولت ارجعله بس ما كانش مديني فرصه لعند ما عرفت انه خطب وبعديها سافر
وما حدش يقولي قولي لأمه علشان بكل بساطه مش هتعملي حاجه وممكن تقوله وتزعق فيه ساعتها هو هيتصل بماما وهيفضحني قدامها وانا مش عاوزه اكسر عين ماما او عاوزه احسسها بحاجه
هي تعبانه ومش هتستحمل
اعمل اي
خايفه اعمل العمليه ويبقي ضحكت علي شاب مالوش ذمب وربنا يعاقبني
وبارضوا في عقد القران بيقولوا البكر الرشيد وانا مش بكر 😥
يعني العقد ممكن يكون باطل
اعمل اي بس
ربنا يعمل انت بتعذب ازاي واحساسي بالذنب بيموتني
وخايفه عقاب ربنا ليه
وفي نفس الوقت لو حكيت لاي شخص هيتقدملي او اتخطبت ليه مافيش واحد هيرضي يتزوج واحده غلطت مع واحد قبله
والنبي ما حد يغلط فيا ربنا يعلم اما بعيش اي واي اللي بحسه

اترك رد