شاب ثلاثينى رافض فكرة الزواج وقعت فى حب امراة متزوجة ! – افتح قلبك
مشاكل اجتماعية مشاكل الشباب

شاب ثلاثينى رافض فكرة الزواج وقعت فى حب امراة متزوجة !

انا عندي ٣٢ سنه …انا مهما اختصر الموضوع هيطول..انا لحد دلوقتي مش مجوز وده مش مضايقني خالص وعمري ما خطبت اصلا المشكلة بقا اني معنديش شغف اجوز اصلا خالص وطول عمري في اربع خمس علاقات وبمارس الجنس من صغري ده مش تباهي ولا( ندم)

اهو الندم ده مشكلتي انا مبندمش علي اي حاجه عملتها مش قصه اني مبخفش ربنا والكلام ده اكيد واحد في سني مر بتذبذب في المعتقد والحمد لله تفكيري مودنيش للالحاد بالعكس ده اثبتلي اني صح وصح جدا انا مسلم

المهم انا سيبت بنات كانوا يتمنوا التراب اللي بمشي عليه ومندمتش لحد ما والدي مات وساعتها كان عندي ٢٨ سنه وقولت لازم افوق وابطل حشيش (انا بشربه بشراهه واشوف بنت الحلال والم نفسي

واتعرفت علي واحده من الفيس وقولت قشطه انا هصفي نيتي وهي هتحبني زي غيرها طبعا واحد زيي بيشك في نفسه اصلا من اللي شافه المهم قبلتها كانت صغيره فعلا ٢٠ سنه وكان معاها عيل صغير عنده ٤ سنين وقلتلي ابن اخويا وانا محطتش في دماغي شايف عيله مسكه عيل وفي نفس اليوم كلمتني وقالتلي اقبلك بكره ضروري وطبعا طلع الواد ابنها ومجوزه طبعا

انا قاعد عمال اقول سبحان الله ومن جواياه بقول ذنب ناس بتخلصه ناس وحكتلي اجوزت ازاي المهم حسيت اني لازم اكسرها علشان كدبت عليه انا ولا بكدب ولا بحب الكدب المهم نمت معاها انا مبأذيش حد اطلاقا عالفكره ولله الحمد و عمري ما عملت مشكله لواحده المهم انضمت للاسته وحالي ساء وبقيت بمارس الجنس واشرب مخدرات بطريقه فجه مره واحده

قلبي مال للبت ده وفجاة بقيت افتكر نفسي زمان وانا عندي ١٥ سنه واد اي انا اتغيرت اوووي ١٨٠ درجه حبتني وانا ملت ليها مقدرش اقول انا حبيت حد انا اميل وببيع بسرعه غيرتني فعلا مبقتش اكلم بنات زي الاول بل بالعكس انا اللي بقيت اقول لا حرام اعرف بنات وتتعلق بيه خصوصا لو مجوزه واكتفيت بيها وطبعا انا مش عجبني الوضع

حولت اسيبها وكنت بقولها انت مجوزه وابعد ونرجع بحجه نطمن علي بعض مره قولتلها خلاص مش هرجع ليكي تاني و علشان هي عرفه طبعي اني فعلا مش راجع راحت واحده مشوار لحد عندي وقبلت واحد صحبي اوووي وخدت رقمه علشان تطمن عليه منه وطبعا حلفت صاحبي ميقوليش بس صاحبي قالي صراحه استعيبتها اللي بنا كبير اوووي ووقفت جنبي اوووي…

ورجعنا تاني بقالنا كتير ديما تقولي اجوز انت كبرت حياتك كده حلوه دلوقتي بالنسبالك بس هتفضل لواحدك كده زمايلي كلهم مجوزين وبيحسدوني ولما يقعد مع نفسي معرفش احس اني لازم اجوز وارجع اقول. واجوز ليه نقصه قرف..

فكره الجوازات مش في دماغي و عمري ما كونت فلوس وقولت انا عايز اجوز… شكلي ميديش سني بالعكس شكلي اصغر الحمد الله بس انا حاسس بنفسي انا كبرت فعلا ورافض اجوز صالونات اصلا والحمد لله كل اللي حواليه يخاف يتصدرلي في الموضوع ده علشان انا زي ما قولت بياع وعايز واحده علي دماغي وفي نفس الوقت خايف احاول اعرف بنت

اها انا من ٦ شهور عرفت دكتوره محترمه وفهمتها تفاصيلي وطبعي واتعاملت معاه٣ شهور وحبتني وكلمت امها رفضت المهم البت مبعتدش خليت امي تكلم امها رفضت تاني والبت حاولت تفضل معايا وانا قولتلها مش هاينفع دماغي قلتلي متتعلقش بيك اكتر من كده علشان متخشش في عداوه مع امها وخصوصا انها يتيمت الاب وامها اللي كملت تربيتها لحد ما بقت دكتوراه و لحد دلوقتي ممكن نكلم بس انا مانع نفسي… وكون اني اترفض ده حاجه كبيره بالنسبالي..

اترك رد