مشكلة حصلت بعد عملية الليزك اثرت على نفسيتى – افتح قلبك
مشاكل اجتماعية مشاكل اسرية

مشكلة حصلت بعد عملية الليزك اثرت على نفسيتى

انا نظري ضعف في 3ثانوي بالظبط ولبست نظاره وكنت عايزه اعمل عملية ليزك بس قولت بعد 3ثانوي ولما ربنا يفرجها شويه فضلت سنتين لبسه النظارة وكنت مش مرتاحة فيها خالص ومش عارفه اتعود عليه وكانت الظروف مش مناسبة لتكليف العمليه وقتها

فقررت اشتغل علشان اجهز فلوس العمليه واشتغل في الإجازة وكمان بعد الكليه أيام الدراسه لمدة 7شهور بالظبط حصل ظرف والفلوس دي انصرفت بابا قالي مش تقلقي وان شاء الله هعملك العمليه وفعلا عملت العمليه كنت منتظره اني اعملها في فارغ الصبر علشان مش عايزه البس النظارة ونزلت واشتغلت وكان تعب بالنسبه ليا لأن كنت بسافر للكلية من مكان بعيد وارجع في نفس اليوم علي الشغل وهكذا

عملت العمليه والحمدلله بعد العمليه ب9 أيام بالظبط ماما وأختي شدوا قدام بعض ماما أضيفت من اختي جامد كان جامبها كوبايه مياه بترميها في وشها رمتها في عيني الشمال الخبطه كانت جامده جدا من شدة الوجع فضلت اصوت وفكرت عيني لقدر الله انقلعت خالص وفضلت مش قادره افتحه فتره حمل الكوبايه كله ايجي علي حبة العين بعد العمليه  من وقتها ومن بعد الخبطه دي وانا تعبانه روحت لدكتور تاني يوم الصبح علي طول وقولت ليه علي اللي حصل وقالي كويسه ما فيش حاجة هو شويه وجع من الخبطه ولغاية دلوقتي وانا خدت كمية أدوية وقطرات ومن وقتها وانا تعبانه

وشي بيورم ويخف وعيني تعابني جدا حبة العين فيها الم شديد رحت لدكاتره كتير عيون وحولني أنف واذان وحولني أعصاب مافيش فايده المشكله الأكبر أن حالتي النفسية تعابني من كتر الأدوية ولف علي الدكاترة وكل واحد كلامه غير التاني حتي لأشعة اللي طلبوها مش متفقين عليها وكمان انا لما بتعب جامد بحمل ماما المسؤوليه وفضل اقول انتي السبب انتي اللي عملتي فيا كدا وأفضل اعيط وهي تعيط وتدعي علي نفسها

انا زعلانه من كدا جامد انا عارفه أن هي مش قصدها وهي لو حتاجت عنيها تقدمهلي بس انا من حسرتي وزعلي بجيبه فيها لما بشوف حد عمل العملية بعدي وقبلي وبقي كويس بموت ويقول شمعنا انا دا انا اتعبت واشتغلت وربنا عالم انا رعيت ربنا في شغلي اقد ايه علشان ربنا يبارك تصعب عليا نفسي لما افتكر انا كنت فرحانة زي وانا بدعي ربنا اني خالص هعملها وأطيب مقهوره جدا انا بعد ما عملت العمليه طول 9 أيام دي كان نظري كويس ورجع تمام جدا بس من بعد الخبطه دي وانا حبة عيني الشمال كان فيها نار ساعات مش بقدر افتحها وساعات وشي يورم وساعات راوية مغلوشه

كل اللي انا طلبه أن حد يهون عليا عايزه ابطل ألوم ماما وقول ليها انتي السبب انا فكرة أن هي لو مش عملت كدا كنت هيكون كويسه دي مسيطرة عليا جدا ومخليني محملها المسؤوليه كل ما أقول لنفسي ربنا عايز كده والحمدلله اني لسه بشوف وانا احسن من غيري كتير ارجع اتعب أو اشوف حد عملها وبقي كويس وانا كل شويه عند دكتور شكل ودواء شكل اتعب واشيل منها تاني

نفسي بس دكتور يقولي مش من الخبطة وان السبب حاجة تانيه بجد هفرح لو مش الخبطة اللي عملت كدا علي لأقل مش هفضل شيلة من امي وأقول ليها انتي السبب أو زعله وازعل نفسي انا عارفه اني غلطانه بس بجد حاسه بنار ف قلبي من كتر من صعبان عليا نفسي.

أسفه علي الاطاله

اترك رد