اوقات ضعفى بفكر ابيع نفسي و اهلى و سمعتى و اسيب البيت

أنا عندى ٣٢ سنة وبشتغل الحمد لله. أنا كتبت حكايتى كلها و اتوجعت أوى و بعد ما خلصتها مسحتها كلها.

فيه ٣ بس من البنى ادمين اللى عارفين تفاصيل حكايتى. بس أول مرة احس اني ماسكة ميكروفون و بحكى اودام ناس كتيرة. بس الخلاصة إنى واحدة مرت بحمل في الحرام وعملية إجهاض.

الحكاية طويلة وبتوجع بس ف النهاية أنا محتاجة مساعدة كبيرة و دعم متواصل. خاصة انى دايما محتاجة وجود راجل جنبى لانى طول ال٣٠ سنة دول كل الرجالة كانوا غرب عليا و فيهم اللى اذانى و فيهم اللى نجدنى.

دلوقتى محتاجة اواظب على الصلاة و ارجع احفظ قرآن. مش عارفة أعملها ازاى.

في اوقات ضعفى كنت بفكر ابيع كل حاجة، نفسي و اهلى و سمعتى و اسيب البيت و اقضيها بقى كل يوم مع واحد بس بجد ضميري تعبنى اوى و بقيت نفسيا مش كويسة. نفسي ارجع لربنا. صحيح أنا مكنتش قريبة أوى منه الأول بس أنا دلوقتى بعيدة عن ما كنت زمان بكتير اوى اوى اوى.

بقالى شهرين بحاول اواظب على الصلاة بس مش دايما ببقى نشيطة انى اقوم في الشغل اتوضا للصلاة و بتحجج طول مانا برة ان المية نازلة ساقعة اوى و لما ارجع البيت اتحجج انى مرهقة وعايزة انام. مش عارفة أعمل إيه في نفسي بجد. أتمنى تساعدونى وتشجعونى. شكرا ليكم

Add your comment

Your email address will not be published.