فتاة فى اخر العشرينات واتمنى الزواج ولكن حتى الان لم اجد الشخص المناسب

مشكلة فتاة فى اخر العشرينات وفكرة الزواج تسيطر على حياتى ولكن حتى الان لم اجد الشخص المناسب

مش عارفه اطلع فكرة الجواز من دماغي انا واحده تميت ٢٩ سنة بيتقدملي عرسان صالونات وللاسف مجاش اي حد مناسب واللي بوافق عليه ميوفقش عادي مفيش اعتراض دلوقتي الدنيا اتقفلت في وشي مابقاش يتقدملي حد خالص كلهم كان جواز صالونات بيشوفني في مناسبة قريبتي جبتهولي معنديش اعتراض برضه بشتغل بقالي سنتين

انا بس زعلانه لان فكرة الجواز هي اللي مسيطرة عليه اشتغلت اخدت كورسات مفيش حاجة بتفرحني خالص غير ان عايزة اتجوز واقعد في البيت ويبقي عندي بيت واسرة وكدة اي حاجة تانية مش حباها بشتغل بالعافيه عشان مقعدش في البيت وزهقت من كلام الناس واحده حلوه ومتعلمه ومن عيله كويسه ازاي متتجوزش ودلوقتي

محدش بيشوفني خلاص واهلي مش عاملين علاقات مع حد حاسه ان ربنا بيبعتلي اشارة ان باب الجواز مقفول ومش هيتفتح ابدا انا قلبي وجعني اوي الحاجة اللي نفسي فيها دي مش هتحقق ابدا وربنا بعتلي اشارات كتير بتأكد ده

نفسي اتخلص من الفكرة نفسها نفسي اشيل فكرة الجواز من دماغي

Add your comment

Your email address will not be published.