بعد خطوبتى حبيبى السابق تواصل معى لخبط حياتى

انا حياتي كانت مستقره قبل اربع شهور من دلوقتي الي حصل ان اتخطبت لواحد اعتبروها صالونات ف البدايه لما شوفته ارتحتله وتمت الخطوبه للاسف انا قبلها كنت بحب واحد زميلي من أولى جامعه وجينا فركشنا قبل خطوبتي بفتره

وقتها طبعا مكنش ف بينا كلام وكله مشاكل بعد ما عرف ان اتخطبت رجع يكلمني. ويرمي اللوم عليا ان ازاي اعمل كدا مع العلم ان كنت معرفه خطببي كل حاجه وخيرته قبل الخطوبه اما نكمل او لا وهو اختار اننا نكمل وطبعا قد يبكي ويشكي ان سبته واتخطبت لغيره مع اننا كنا سبنا بعض

انا حسيت ان الكلام اثر فيا وكنت بدايق غير ان كل دا اتقلب لشتيمه واهانه بعد كدا دلوقتي انا بحس ان احيانا ببقي عاوزاه واحيانا مش بطيقه وخصوصا انه طلب بعرف تفاصيل الحكايه من باب الفضول دلوقتي بحس ان مش عاوزاه

بمعني اصح بقيت حاسه ان ف حاجز علشان ادخل ف اي علاقه وعاوزه افسخ بس هو بيقولي ادي نفسك فرصه وسيبي الباب موارب وانه مش عاوز يخسرني وشاريني وبيحبني دلوقتي انا مش عارفه عاوزه ايه مع العلم ان مهما حصل مش هرجع للاولاني دا خالص ممكن تساعدوني بعد اذنكم

Add your comment

Your email address will not be published.