امى تعطى اشيائى للغرباء دائما ولا اعرف السبب

ايه سبب يخلى امى تستخصر فيا كل حاجه حتى حاجتى ، من وانا طفله وهيا بتستخصر حاجتى وتعطيها للغرباء ، فلوس مفيش نهاءى ،انما ست كريمه وسخيه جدااا مع الغرباء زكاة وصدقه لكل الناس إنما أنا مش حاسه بيا وبابسط احتياجاتى .

شنطتى دائما مافيهاش مليم إلى طوارىء ،هيا شايفه انها بتجهزنى من وانا فابتداءى فكفايه عليا كده انما أنا اتحرمت بمعنى الكلمه، هدومى و اى حاجه بحبها تديها لبنات خالتى و اى حد محتاج، دلوقتى الحمد لله تزوجت و معايا اطفال ، متغربه وينزل مصر اجازات ،

نفس الشيء اجيب لها كمية هدايا مهووله واى فلوس يحتاجوها هيا وبابا المقابل مفيش رد لأى هديه ولا حاجه ، العجيب الاستخصار وصل لاولادى التلاته ، اى حد يسيب لى معاها نقوط زواجى أو ولادتى تاخد الفلوس ليها، لعب و هدوم عيالى بتاخدهم تشحتهم .

عيالى يبقوا هيموتوا على لعبهم ويعيطوا وتشوفهم ما بصعبوش عليها وانا ببقى فاهمه انها واخداهم بس مش عايزه اعمل مشكله معاها لأنها عصبيه وبتشتم و تمد أيدها كمان، هدومى لسه يتاخدها تشحتها ، مكياجاتى وحاجتى نفس الشيء.

بتدى حاجتنا للغرباء المهم أنا مش اتهنى بيهم ولا ولادى، انا معنديش شقه و ينزل عليهم و جوزى رافض شقه مفروشه لوحدى وحتى لو خدت شقه لوحدى مش هسلم من تصرفات امى و هتاخد حاجتنا برضوا، هيا معايا انا بس كده اخويا لاااا فلوسها كلها ليه

عايزه بس افهم حدعنده علم ليه بتعمل معايا كده ، اقسم بالله قبل مااتجوز كنت شاريه بيجامات و لبس عرايس كتير وهدومى اللى بخرج بيها، افاجا انها راحت شحتتهم لبنت غلبانه بتتجوز، النتيجه جوزى فأول جوازى بقى يعايرنى أنه متجوزتى من غير شنطة هدوم .

اتخانقت معاها و عملت مشكله كبيره ولسه زى ماهيا بتاخد حاجتى و تشحتها ووصلت لحاجة عيالى كمان ، انا مدمره نفسيااااا جداا وزعلانه لان انا مش وحشه معاهم ابدااا ،المفروض مين يبقى حنين عالتانى انا ولا هم

Add your comment

Your email address will not be published.