الهروب من البيت بسبب المشاكل بين الاب والام

باختصار عاوزه اسيب البيت وامشي

بابا وماما المشاكل بينهم واصله للطلاق وانا رغم أن طبيعي اكون مضايقه ومخنوقه بس هما وصلوا للنهايه مفيش حل خلاص  بسبب المصاريف والمعاملة بعد ما استحملت ده كله عشانا ف الآخر مش مستحمله وانا حالتي النفسيه صفر

بابا اقدر اقول عليه أنه مش راجل بمعني اصح  كنت بشتغل انا واختي وفتحنا مشروع بفلوسنا وماما اللي شايله كل حاجه لوحدها بحكم أن احنا ف الدراسه وبابا شايل أيده من كل حاجه وداخل ف حياتنا واحد جيرانا

وساعد ماما بمبلغ كبير وماما بتكلمه ليل ونهار بعد ما اشتري ليها فون جديد هو عنده اولاد وأحفاد وانا مخنوقه بعد ما كنت متعاطفه معاها لاء كل شويه تدخل الأوضه وتقولي هكلم بابا

رغم أنه بيحب زوجته وبيعاملها احسن معامله وماما بتقعد تحكيلنا وتشتم ف بابا قدامه وانا بتخنق من جوايا رغم أن هو يستاهل بس مش عاوزه حد يدخل ف حياتنا غريب هو مين عشان يصرف علينا وع طول مهتم بماما

وبابا ولا هو هنا لدرجه قالها هاتي المرتب انا مش هصرف ع حد وقالت له كذا مره روح اتجوز وهو مش ابيده وكذا مره يطلب مني فلوس اللي هي من ماما اللي ماما بتاخدها من الراجل ده هو محترم وكل حاجه بس من وقت ما دخل حياتنا وحياتنا بتسوء اكتر واكتر

انا مخنوقه وطول النهار عياط واختي مخطوبه حتي بابا قالها ممعيش اجهزك ومتتخطبيش واختي من وقتها وهي مش شاغله بالها بحاجه وطول النهار ع الفون هي وخطيبها انا عمري ما كنت أتصور أنه يحصل كده

بابا من زمان وهو كده وكل لما حد يتقدملي يقولي انزلي جهزي نفسك لو عليه مش عاوز يصرف علينا اصلا وانا الكبيره ومقضينها ناخد من ده فلوس ع ده عشان ادفع المصاريف واجيب الكتب والدروس انا واخواتي

انا معرفش مين اللي غلطان فيهم بس ماما شايفه أن هي الصح قاعده افكر اني امشي واسيب البيت مش دي الحياه اللي كنت اتمني اعيشها ودايما ادعي ربنا بالزوج الصالح بس لسه ربنا ماذنش

كل واحد ف بيتنا عايش مع نفسه وبيفكر ف نفسه وقت ما ماما مضايقه والبيت مكتئب اختي نازله تتفرج ع فستان الخطوبه وكل لما ماما تتكلم تقول أنا مكنتش عوزاه من الاول  طيب ذنبي ايه انا  مخنوقه ومعرفش ايه الصح من الغلط واخرتها ايه بعد ده كله

Add your comment

Your email address will not be published.