مطلقة وارتبطت برجل اكبر منى 12 سنة

انا مطلقه و عارفين يعنى ايه مطلقه يعنى مهما تعمل هى فريسه سهله لكل الناس..

و شغلى كمان فى مجال كله رجاله و اتعرفت على مدير فى شركه تانيه اكبر منى ب ١٢ سنه بدا يقنعنى اسيب شركتى و اروح معاه شركته و العلاقه بدات تاخد مجرى تانى من مجرد اصحاب و زمايل لعلاقه ٢ قريبين جدااا

محصلش بينى و بينه علاقه جنسيه بس اتفقنا ١٠٠ مره و منفذناش كنت بشوف فيه حنيه الاب الى انا محرومه منها لانى ابويا ميتعاشرش و حنيه الزوج الى طلقنى و رمانى.. و جه عرض عليا الجواز هو متجوز و عنده بنت و قالى انه على عدم وفاق مع مراته و انهن مع بعض بس عشان البنت و ده كان حقيقى لانه كان بيكلمنى طول الليل فى التليفون كل يوم

و مره دخلت عليه و هو بيكلمنى و اتكلم معاها عادى ادامى حياه بيت غير مستقر.. عرض عليا الجواز و هو عارف انى مش بخلف و كان بيقولى انه هيعالجنى بره مصر انا حتى ساعتها قلتله ان مش فارق معايا علاج و لا اى حاجه انا كنت عايزة افضل جمبه..

معرفش تعلقى بيه كان على ايه انا عمرى م قلتله بحبك و لا هو قال بيحبنى مش شبهى فى اى حاجه شكله راجل كبير و انا جمبه شكلى عيله و راجل متجوز و انا عمرى مكنت خرابه بيوت.. انا كنت بحاول اكون ليه مصدر سعاده كنت باجى على نفسي و اسعده..

قدمت استقالتى من شركتى و انا عارفه انى لو خرجت مش راجعه تانى و سبت شغلى و سبت مرتبى ال كان بيوصل ل ٢٠ الف عشان خاطره و قلتله اجى معاك زى م انت وعدتنى.. بئى يتهرب مني و اقوله انا سبت شغلى و بقيت فى الشارع و التيم الى تحتى خليته قدم استقالته و دى ناس فى رقبتى بقيت شايله مسؤليه نفسي و مسؤليه ناس فى رقبتى..

اتفاجات بيه بيقولى انى مرفوضه من شركته طب مش مهم انا طب الناس ال معايا.. المهم رجعت الناس و فضلت انا فى الشارع من غير شغل بسببه.. و بقيت احاول اقرب منه.. بئى يبعد و ينسحب من حياتى واحده واحده و مره واحده يقرب و يكون كويس اوى معايا و ينسحب تانى و كنت بقوله انى تعبانه من غيره و فعلا تعبانه.

لحد لما امبارح انفجرت فيه بعتله رساله طويله على الواتس انى مش قادره أتحمل و خسرت كل حاجه عشانه هو و انى محتاجاه ب اى صفه فى حياتى انا مش عايزة اتجوزه بس عايزة يفضل موجود.. كانت النتيجه مجرد رساله

معنتش تبعتلى حاجه.. انا حصلى مشاكل بسببك…

يااااااه على وجع القلب… انا تعبانه اوى

مكنتش بحبه بس معرفش ده ايه بس تعبانه و اتهديت من كل الرجاله الى بتدخل حياتى تاخد منها حاجه و تخرج خسرت شغلى و خسرت كل حاجه و بقيت لوحدى لوحدى تماماااااا

Add your comment

Your email address will not be published.