مخطوبة عن حب خمس سنوات كل واحد في دولة

انا مخطوبه بقالي سنة و انا وخطيبي كل واحد فينا في دوله مخطوبين عن حب ٥ سنين و مش هنتجوز غير بعد تلت سنين او اربعه و ده عشان انا بدرس طب برا و ابويا مش قابل يجوزني غير لما اخلص دراستي و خطيبي شغله مستحيل يجيبه عندي ،
ساعات كتير بنقع في الغلط ، انا نفسي بفكر فيه او بنتكلم كلام اباحي او جنسي نودز صور الخ ، انا عارفه انه غلط و هو عارف انه غلط و احنا كتير بنحاول نتوب و ساعات هو بيصدني كمان يعني محدش يقول لو بيحبك يحافظ عليكي و الجو ده كل انسان ليه احتياجاته و احنا مع بعض في الوحش و الحلو و واثقة فيه فمتجوش تنقدوا المشكلة من الباب ده ، احنا عاوزين نتجوز و هو جاهز للجواز بس ابويا رافض غير بعد ما اتخرج و احنا تعبنا و عاوزين نعف نفسنا مش عاوزين نشيل ذنوب جربنا كتير نقف و نبطل نتكلم و بيبقا اخرنا بالكتير شهرين و نرجع تاني و ساعات انا الي ببدأ بنفسي ، عارفين شعور انسان بيبكي و هو بيقول عاوز اتوب و بيحاول عارفين شعور انسان هيموت و يعف نفسه انه ميقعش في الحرام ، عارفين انه انا عاوز امشي بالحلال بس مينفعش ، خطيبي حاول يوصل الموضوع لابويا انه عاوز يعف نفسه و حقيقي مش عارفين نعمل ايه و نقنعه ازاي !
الاحتياج من الطرفين وانك تبقا عايش في بلد اجنبي و الغلط حوليك في كل مكان برضو صعب ، اعمل ايه ؟
بقينا نصوم و نحاول نقرب من ربنا و نقرا اذكار و قران سوا
و نبعد تمام البعد عن الكلام ده و بنحاول ع اد ما نقدر احنا بقالنا مع بعض ٦ سنين و لسه مشوارنا طويل ..

Add your comment

Your email address will not be published.

تعليقان

  • مستعار سنتين ago

    الاهل لو عرفو تصرفات خطيبك و تجاوزاته و هو المنوط بتحمل المسؤولية و التحكم في مشاعره و الالتزام، اعتقد هيبقى من سابع المستحيلات انهم يقبلوه ليكي كزوج ، لأن لا يصلح لبدئ حياة اساسها الاخلاق و ، لا يصلح لتحمل الامانة ، لأنهم هيقدرو قيمة بنتهم الكبيرة ، ف Plz قدري قيمة نفسك !!

    Reply
  • كريم سنتين ago

    غلط جدآ تطول فترة الخطوبه كده ،اهلك غلطانين كان لما وافقوا ع الخطوبه يتحدد الفرح بعدهابسنه ولا اتنين بالكتير لكن كده دخلوكم متاهه

    Reply