شاب ملتزم اخلاقيا و دينيا لكن وقعت في اغراء زوجة عمي

انا بموت يا جماعه اقسم بالله العظيم بموت حرفيا .

مكنتش متصور في يوم من الايام ان مشكلتي مالهاش حل بدور علي حل مش لاقي

اناحافظ القران وانا في الاعداديه

وامام مسجد من فتره جامده سنين يعني المشكله بداءت لما كنت في الاعداديه عمي اجوز مراته قعدت اول سنتين تعاملني عادي خالص بعد كده بداءت تكلمني بطريقه غريبه ونظراتها غريبه فيها اثاره وهيه كانت متعمده كده لدرجة اقسم بالله العظيم كانت ممكن لما عمي يبعتني اجيب حاجه من شقته تطلعي بقميص النوم طبعا بعمل اني ماخدتش بالي في تالته ثانوي بحكم استمراري في البيت علي طول كانت بتلبس هدوم خفيفه قدامي المهم فضلت ماسك نفسي لحد من سنتين كده ارتكبت جريمه ربنا حذرنا من الاقتراب منها حتي والله كان غصب عني وبسبب ثقة اهلي الزايده فيه وجهلهم ليه انا شاب 20سنه يبعتوني اكشف علي مرات عمي الي اكبر مني بخمس ست سنين

وليه اقعد اقول لامي فلانه انا مش مرتحلها واقول لاخواتي ومايفهموش اقعد ادعي عليها قدام امي وتقولي حرام عليك غلبانه

بعد الي حصل ده بداءت اصوم يوم ويوم لحد لما اتغيرت خالص خسيت جدا اهلي بهدلوني واقوم الليل اصلي وادعي واراجع قران

المشكله اني بافضل ماسك نفسي باالاربع شهور والخمس شهور وبعد كده الايمان يضعف فاقع تاني غصب عني والله

اقول اخر مره واكتب علي النوتز بتاعت الموبايل اخر مره ومن اليوم ده هاتغير لكن بعد فتره بسبب وجودها دايما في البيت بحس ان حرارة جسمي بترتفع بطريقه رهيبه جدا الي قاعد جنبي بيحس بيها.

وقلبي بينبض بسرعه ودقاته جامده

وعيني الشمال بتفضل تنبض بشكل ملاحظ . وهيه تفضل تضحك قدامي تقعد تبص عليا وانا ماشي او انا قاعد تمشي قدامي بطريقه وحشه تميع في الكلام .

طبعا ده مش مببرر للي انا عملته اني ارتكب الجرم ده كل لما اقعد مع نفسي افكر نفسي باحلم انا اعمل كده انتهك حرمة ربنا واخون عمي

واعمل كده وربنا شايفني ومش قبض روحي افضل اشكره وادعيه يغفرلي

بالله عليكم عارف اني غلطان وعايز الحرق بس عايز حلول

اجمد قلبي واقول لعمي بس هيستفسر ومش من النوع الي بيفهم بسرعه وخايف من ردة فعله

طب اسيب البيت وامشي طب واخواتي البنات وامي وفاضلي سنه كليه

طب اعمل ايه يارب

يا جماعه انا في عزله تامه حاسس اني مش قادر ابص في عينين الناس

والله اقسم بالله عمري ما رفعت عيني في بنت ولا وحده ست

ولاعمري كلمت بنت في التلفون

ونسوان اعمامي التانيين فيه اصغر منها وبالرغم من كده عمري ما رفعت عيني فيهم

اعمل ايه رجاء عدم التجريح

والبحث عن حلول

Add your comment

Your email address will not be published.