الموت يقترب مني عدة مرات لكني لا اتعظ – افتح قلبك
مشاكل اجتماعية

الموت يقترب مني عدة مرات لكني لا اتعظ

انا عندي مشكلة وعايز احكيها لان فعلا لو حكيتها لحد الكل هيخاف مني

فا ده المكان الوحيد اللي هينفع احكيها فيه لان محدش هيعرفني ..

انذار الموت

انا كذه مره يجيلي انذار الموت تخيلوا ان يحصل معايا 5 حوادث في ظرف شهرين شبه تموت .. حوادث تبقي حرفيا تكاية والعربيه تتقلب مثلا ويبقي خلاص كده ؟ ومش انا اللي ببقي سايق بتبقي مع اشخاص مختلفة

مشكلة البعد عن ربنا

المشكلة اني بعيد عن ربنا حبتين اللي هو مش مواظب علي الصلاه وبشرب سجاير وساعات بشرب حشيش تفاريح، ولما بشرب الحشيش بحس ان روحي بتطلع حرفيا وبتخيل الموت في كل لحظه بتعدي عليا فيها، ويومياً بمارس العادة السرية وحياتي بنات في بنات والشتيمة في بوقي دايماً ولما بخرج مع اصحابي الخروجة كلها بتبقي ذنوب ، انا نفسي اقرب من ربنا فعلا نفسي ربنا يهديني .. المشكلة مش في كل ده .. المشكلة ان انا خايف من الموت حقيقي وده بالنسبالي كبوس اللي هو مش عارف انا هروح فين ! والمشكلة خايف اقرب من ربنا فجاه الموت يجيلي علشان الموت بيجي للي ربنا هداه غالباً .. انا عارف ان ربنا غضبان من اللي بعمله ونفسي حقيقي يسامحني ويحسن خاتمتي

انا حقيقي اول مره اخاف كده، ادعولي كتير وجزاكم الله خيراً

اترك رد