مشكلة زوجية بسبب عمل الزوجة وإهمال زوجها

بسبب إهمال الزوجة لزوجها وتفضيل عملها

أنا مش محتاج حل أنا محتاج أعرف أنا ظلمت مين فيهم

أنا اتجوزت بدري جدا بعد التخرج علطول قبل ما أبقي قادر احدد معايير الأنوثة بالنسبالي وكنت محترم جدا وبتقي ربنا في مراتي بس هي كانت بتهتم بشغلها أكتر مني وبترجع من الشغل الساعه ٧ كل يوم مهدوده وشكلها مبهدل قولتلها اعدي من الشغل ونعيش بمرتبي مرضيتش طب اصرفي معايا عالبيت من مرتبك لاء برده طب اهتمي بنفسك بمرتبك مفيش فايده مع العلم ان مرتبها كان كبير واهلها مقتدرين مش محتاجة الكلام ده

كانت مهمله لدرجة اني كنت بلاقي في الأكل شعر غير المنومات ودم الحيض اللي امها بتنصحها تحطه في الأكل عشان تربطني وكنت عارف وساكت وباكل بره وخلاص من القرف ولو شربت شاي في البيت ببقي عارف اني مش هعرف انزل وهنام زي القتيل

فضلت سنتين بعد الجواز تتهرب من العلاقة تماما والحجة إنها مبتحبش كده طب اتجوزتي ليه

ولما بدأت تستجيب كنت انا اللي ببقي عايز أتهرب من كتر ما كانت ريحتها وحشه جدا وجسمها كله شعر كنت بقولها طب اسألي حتي زميلاتك او اعملي سيرش ازاي تنضفي نفسك مش كده انا بني ادم

المهم حملت وخلفت وطبعا تخنت جدا ورهلت وكل ده أنا مخونتهاش أربع سنين مستحمل العك ده

حاولت اتفق معاها علي الطلاق بهدوء هددتني وخلت اهلها يهددوني بالمؤخر والشقة وأنا معنديش إمكانيات ماديه للكلام ده وقتها

وقالتلي انا مش هتطلق مهما حصل ولا هتفضح اني مطلقه وسط اصحابي انسي

سبب الزواج بزوجة اخري

قابلت إنسانه بالصدفة وحبيتها جدا واتجوزنا وقبلت ظروفي المادية وكذبت عليها في الاول قولتلها اني بفكر اطلق مراتي ومع الوقت بدأت احاول اخليها تتقبل الامر الواقع

لكن مراتي لما عرفت راحت هددتها وكل يوم تعملها مشاكل رهيبه ووصلتنا للطلاق

أنا بحبها وحاسس إني ظلمتها معايا أنا دفنت نفسي في اختيار غبي ومكنش لازم اظلمها معايا وكان مفروض اصارحها اني متجوز واحده مريضه ومتسلطه انا عارف بس كمان في نفس الوقت الاولي بتعد تحسسني طول الوقت اني ظلمتها هي وانا معملتش حاجة غلط انا اتجوزت علي سنه الله وهي اللي ظالماني انا شاب ومن حقي اعيش مع واحده فيها اي انوثه تعبت ولما طلقتنا بدات تحاول تهتم بنفسها بس مفيش فايده برده كل حاجة أي كلام وانا مقفول من منظرها الاولاني مهما عملت

المشكله انها دلوقتي كل ما حد يسألها انا اتجوزت عليها ليه تقولهم لا متجوزشهاش هو مشي معاها بس

بقولها يعني انتي عندك تطلعني زاني وعامل كبيرة من الكبائر وترمي التانيه بالباطل أرحم ما تقولي حق ربنا ! أنا ضعيف مش عارف أدافع عن حبيبتي حاسس اني محبوس هنا في الحياه دي يارب اموت

Add your comment

Your email address will not be published.